Олунньу 10 күнүгэр Тулунабыт туонатыгар биир бэлиэ күн үүннэ. Ол курдук, Тулуна нэһилиэгин үлэни өрө туппут киэн туттар дьоммутуттан биирдэстэрэ, урукку бөдөҥсүйбүт Партизан Заболоцкай аатынан сопхуос бочуоттаах пенсионера, Аҕа дойду Улуу сэриитин кыттыылааҕа, үлэ, тыыл, колхознай уонна совхознай тутул бэтэрээнэ, II-с Лөгөй нэһилиэгин, Уус – Алдан улууһун бочуоттаах олохтооҕо, Иннокентий Прокопьевич Никифоров сырдык кэриэһигэр анаммыт, кини олоҕун, үлэтин туһунан оҕолоро, сиэннэрэ, аймахтара, доҕотторо, бииргэ үлэлээбит-алтыспыт дьоно-сэргэтэ ахтыыларынан түмүллүбүт кинигэ биһирэмин үөрүүлэх тэрээһинэ буолла.

  Суруллубут суоруллубат, олорон ааспыт олох мэлдьэhиллибэт. Ону история кэрэhилиир. Аныгы дьалхааннаах, бутуурдаах үйэҕэ сүрэҕинэн-быарынан бэринэн туран өр үлэлээбит уонна дьон-сэргэ өйүгэр-санаатыгар хаалар курдук үчүгэйи, үйэлээҕи оҥорбут киhи аата-суола умнуллуо суохтаах, үйэтийиэхтээх.

Иннокентий Прокопьевич үлэлээбит үлэтэ таһаарыылаах, тыа сирин ыала байылыаттык олорорун ситиһэн дьоһуннаах, чаҕылхай олоҕунан, дьулуурдаах үлэтинэн өйгө-сүрэххэ  хатанан, кини аата, үлэҕэ холобура үйэлэргэ кэпсэл буола сырдатылла туруохтун. Бу кинигэ аймах-билэ дьонугар, доҕотторугар күндү бэлэх буолан тахсыбытанан ис сүрэхтэн эҕэрдэлиибит.

Олунньу 2 кγнγгэр улуустаа5ы «2023 сыл - тγмγктэрэ» тэрээhин буолан ааста. Сарсыарда эрдэттэн улуус нэhилиэктэрин быыстапка5а эппиэттээхтэрэ Н.Н. Тарскай аатынан Спорт дыбарыаhыгар 2023 сыл тγмγгγн кэпсиир, кердерер нэhилиэк бастын наставниктарын уонна γлэhит дьиэ кэргэттэрин сырдатар материаллары а5алан, дирин ис хоhоонноох быыстапкаларын улууспут олохтоохторугар, ыалдьыттарыгар туруоран, биир дойдулаахтарбыт биhирэбиллэрин, сэнээриилэрин ыллылар. Бу быыстапка 2023 сылга култуура фестивалыгар нэhилиэктэри керγγгэ туран, сырдатыллан биир дойдулаахтарбытыгар, эдэр ыччакка γтγе холобур буолан γйэтитилиннэ.

Тохсунньу 27 күнүгэр Ленинград куорат блокадаттан босхоломмута, алдьархайдаах кытаанах күннэри - ыйдары туораабыта 80 сыла буолар. Гитлерга Ленинграды сэриилээн ылыы олус суолталааҕа. Хотугу киин куораты хаста да ыла сатаан баран, өстөөх куораты төгүрүйбүтэ уонна кытаанах уобуруччуга ылбыта. Ол 1941 сыл балаҕан ыйын 8 күнүгэр буолбута. Бородуукта ыскылааттара барыта үлтүрүтүллүбүтэ уонна уматыллыбыттара. Куорат аһыыр аһа уонна эмэ - томо суох хаалбыта, ол эрээри бэриммэтэҕэ.Ленинградка ыарахан олох салҕанан барбыта. Бастаан хас биирдии киһиэхэ 250, онтон 125 кыраам килиэп күҥҥэ көрүллэрэ. Дьон аччыктааһына саҕаламмыта, иттээрилэр дьиэ тэрилин оттоллоро, салаасканан Нева өрүскэ уу баһа киирэллэрэ.

Васильев Иван Семенович 1912 с. Уус-Алдан улууһун II Лөгөй нэһилиэгэр төрөөбүтэ. 

1924-1928 сс. Танда, 1928-1931 сс. Мүрү оскуолаларыгар үөрэммитэ.
1933-1937 сс. Дүпсүҥҥэ уонна Мүрүгэ учууталлабыта.