Информация о материале

Библиотекаҕа саҥа сахалыы кинигэлэр кэллилэр. Күндү ааҕааччылар кэлиҥ – көрүҥ, уларсан ааҕыҥ, кинигэлиин алтыһыҥ.

Кинигэҕэ, сэттис төгүлүн ыытыллар, «Куорсун – 2023» күрэх түмүгүнэн айар дьоҕурдаах биир дойдулаахтарбыт аныгы кэм сытыы боппуруостарын таарыйар уран, хомоҕой суруйуулара, үлэҕэ, учууталга анаммыт истиҥ – иһирэх тыллаах хоһоонноро киирдилэр. II-с Лөгөй нэһилиэгиттэн хоһоон айыытыгар күрэххэ кыттыбыт Дегтярева Г.В., Литвинцева О.Н. хоһоонноро киирдилэр.

Элбэх ааҕааччы интэриэһин тардар айымньылардаах Галина Нельбисова саҥа буруолуу сылдьар сэһэнэ. Бу кинигэни көрөн – истэн билэр киһи элбэҕэ буолуо. Тиэтэйиҥ ким бастаан уларсар эбит. Кинигэҕэ дьиэ кэргэҥҥэ сыһыан, сиэр – майгы, таптал, уйулҕа нарын кылларын таарыйан көрдөрүллүбүт.

Николай Платонов кэпсээннэрэ, уочаркалар. Бу кинигэҕэ ааттаах аты куота айанныыр быһыйдар, күннээх – түүн тохтообокко туойар улуу ырыаһыттар, күлүмэх күүстээхтэр, муҥурун булларбатах дьиктилээх сылгы – эмиэ да көрүдьүөс, эмиэ да киһи соһуйар, сүөргүлүүр, куттанар, тууйуллар, сөҕөр, махтайар түгэннэрэ үгүс буоллахтара эбээт.

Унньуктаах уһун кыһын бүтэн, саас барахсан салаллан кэллэҕинэ, саха дьонугар олус кэтэһиилээх кэм – сааскы кус кэмэ үүнэр, онно бараары тэринии сүпсүлгэнэ, куска буолар араас көрүдьүөс, умсулҕаннаах түгэннэр, күһүҥҥү тайахха бултааһын, хотугу дойду өрүстэринэн мүччүргэннээх устуу, хара тыа адьырҕаларыгар түбэһии... Бу курдук булка буолар араас түбэлтэлэр, умнуллубат түгэннэр бу кэпсээннэр хомуурунньуктарыгар олус кэрэхсэбиллээхтик ойууланаллар.

Кинигэҕэ ааспыт үйэ саҥатыгар дойду үрдүнэн олох – дьаһах укулаата, уопсастыбаннай тутул уларыйар, кыһылга – үрүҥҥэ хайдан атааннаһыы, былааһы былдьаһыы иэдээннээх кэмнэрэ киэҥник хабыллан көрдөрүллэр.

Ааптар кэпсээннэрин дьоуройдара олох ухханыгар түбэһэн, кинилэри харгыстаабат эрэйи – кыһалҕаны, тургутуулары эт хааннарынан хорсуннук ааһан, олохторун отуорун көннөрүөхтэрэ дуо? Биитэр Дьылҕа Хаан кинилэргэ өлүүлээбит чэпчэкитэ суох дьылҕаларыгар бэринэн, түҥнэри төлкөлөнөллөр ду?

Чулуу кылгас кэпсээннэр...Элбэх тыла суох көҥөс иэйиини тоҕо тэбиир кэриэтэ бэрт кылгастык суруллубут дьүһүйүү, санатыы, аахсыы, тобуллуу, толкуй, сэрэйии, ахтыы, сэрэтии сэдэх кыымнара кылам гыннылар, кинигэҕэ тиһилиннилэр.

Бассаапка Ородьумаан диэн аатынан киэҥник биллибит, киэһэ – сарсыарда кэпсээни сэргээччилэри элбэх сыл тылын сүтэнинэн түмпүт, иһирэхтик иитиэхтээбит, Родион Лазаревич Данилов саҥа айымньыларын тиһэн, аны кинигэ нөҥүө ааҕааччытыныын сэһэргэһэр.

В этой карманной книге вы найдете подробный перечень популярных народных рецептов и лекарственных средств, приготовление которых легко освоить в домашних условиях. Все рецепты понятны, просты и доступны, проверены временем и народом.

Информация о материале

Тохсунньу 27 күнүттэн «Саха» НКИХ ханаалыгар  «Уот Дьулустаан» диэн саҥа сериалы дьон бары интэриэһиргээн көрө сылдьар буолуохтаах. Бу айымньы ураты көрүүлээх, туспа суоллаах – иистээх суруйааччы Валентина Гаврильева сэһэнэ.

         Мэҥэ – Хаҥаласка төрөөбүтэ. Орто оскуоланы бүтэрэн баран «Бэлэм буол» хаһыат редакциятыгар үлэлээбитэ. 1971 сыллаахха Горькай аатынан Литература институтун бүтэрбит.

         Бастакы кэпсээннэрэ 1966 с. тахсыбыттара, 1968 с. кэпсээннэрин бастакы хомуурунньуга тахсыбыта. Литератураны ырытааччылар Гаврильева кэпсээннэрэ тэттигин уонна тэтимнээҕин бэлиэтииллэр. «Уот Дьулустаан дойдута» сэһэнин Ньурба тыйаатыра туруорбута.

         1970 с. суруллубут «Уот Дьулустаан» сэһэнэ уустук, дириҥ ис хоһоонноох. Бу айымньы филосовскай хабааннаах буоларын быһыытынан, уус – уран ымпыктар сүрүн герой Ньукуу уобараһын арыйарга, инники дьылҕатын сэрэйэн көрөргө улахан көмөлөөхтөр.

         Бу кинигэ биһиги библиотекабытыгар баар, уларсан ааҕаргытыгар ыҥырабыт.

 

Информация о материале

"Ааҕар дьиэ кэргэн 2024" булугас өйдөөхтөр күрэхтэһиилэрэ түмүктэннэ.
Барыта 12 дьиэ кэргэн кытынна.
Түмүгү икки бөлөҕүнэн арааран таһаардыбыт.
Бастакы бөлөххө, алын сүһүөх кылаас оҕолоро төрөппүттэрин, эбэлэрин кытары кытыннылар.
I миэстэни Корниловтар дьиэ кэргэн , Ирина Петровна оҕолорунаан Дианалыын (4 кылаас), Эрсанныын (2 кылаас), Баатаҕай.
I Iмиэстэни Пестрякова Акулина Дмитриевна сиэнинээн Макеева Мичийэлиин, 3 кылаас, Уус - Күөлэ.
III миэстэни Варламовтар дьиэ кэргэн, Милена Михайловна, Эльяна , 3 кылаас, Эльвира 6 саастаах. Хоноҕор бөһ.
Иккис бөлөххө:
I миэстэни Алексеевтар дьиэ кэргэн, Акулина Петровна кыргыттарынаан Каринаны (6 кылаас) Василенаны (9 кылаас), Мүрү 2 - дээх орто оскуола, Бороҕон бөһ.
II миэстэни Бурнашевтар дьиэ кэргэн , Вера Семеновна кыыһынаан Туйааралыын , 8 кылаас, Тулуна бөһ.
III миэстэни Местниковтар дьиэ кэргэн, Ньургуйаана Анатольевна уолунаан Васялыын, 5 кылаас, Окоемовка бөһүөлэгэ.
Бары кыттыбыт дьиэ кэргэттэрбитигэр махтанабыт.
Өрүү маннык көхтөөх, кинигэни доҕор оҥосто сылдьаргытыгар баҕарабыт.
Ааҕар киһи - билиилээх,
Билиилээх киһи - сайдыылаах,
Сайдыылаах киһи - ситиһиилээх !

Информация о материале

"Ааҕар дьиэ кэргэн 2024" булугас өйдөөхтөр күрэхтэһиилэрэ түмүктэннэ.
Барыта 12 дьиэ кэргэн кытынна.
Түмүгү икки бөлөҕүнэн арааран таһаардыбыт.
Бастакы бөлөххө, алын сүһүөх кылаас оҕолоро төрөппүттэрин, эбэлэрин кытары кытыннылар.
I миэстэни Корниловтар дьиэ кэргэн , Ирина Петровна оҕолорунаан Дианалыын (4 кылаас), Эрсанныын (2 кылаас), Баатаҕай.
I Iмиэстэни Пестрякова Акулина Дмитриевна сиэнинээн Макеева Мичийэлиин, 3 кылаас, Уус - Күөлэ.
III миэстэни Варламовтар дьиэ кэргэн, Милена Михайловна, Эльяна , 3 кылаас, Эльвира 6 саастаах. Хоноҕор бөһ.
Иккис бөлөххө:
I миэстэни Алексеевтар дьиэ кэргэн, Акулина Петровна кыргыттарынаан Каринаны (6 кылаас) Василенаны (9 кылаас), Мүрү 2 - дээх орто оскуола, Бороҕон бөһ.
II миэстэни Бурнашевтар дьиэ кэргэн , Вера Семеновна кыыһынаан Туйааралыын , 8 кылаас, Тулуна бөһ.
III миэстэни Местниковтар дьиэ кэргэн, Ньургуйаана Анатольевна уолунаан Васялыын, 5 кылаас, Окоемовка бөһүөлэгэ.
Бары кыттыбыт дьиэ кэргэттэрбитигэр махтанабыт.
Өрүү маннык көхтөөх, кинигэни доҕор оҥосто сылдьаргытыгар баҕарабыт.
Ааҕар киһи - билиилээх,
Билиилээх киһи - сайдыылаах,
Сайдыылаах киһи - ситиһиилээх !

  1. Саха спордун аҕата - Н.Н.Тарскай 100 сааһа
  2. Саха Өрөспүүбүлүкэтин күнэ