- Информация о материале
- Автор: tulunabibl
Биллиилээх государственнай уонна общественнай деятель, Саха сиригэр маассабай спорт хамсааһынын төрүттээбит талааннаах тэрийээччи, ССРС физическэй культуратын туйгуна Николай Николаевич Тарскай төрөөбүтэ 100 сылынан II Лөгөй нэһилиэгэр күммүт сарсыардааңңы чэбдигирдэр сэрээккэнэн са5аланна. Сэрээккэни нэһилиэкпит спорт.инструктора Николай Владимирович Копырин салайан ыытта. Сал5ыы олохтоох библиотека5а “Саха спордун а5ата” диэн Тулуна орто оскуолатын үөрэнээччилэригэр Н.Н.Тарскай кылгас ол эрэн ча5ылхай оло5ун, таһаарыылаах үлэтин туһунан билиһиннэрдэ.
- Информация о материале
- Автор: tulunabibl
Муус устар 27 күнүгэр
Сахабыт Өрөспүүбүлүкэтин күнүн бэлиэтиир үөрүүлээх тэрээһин болла.
«Сайдыы» СК, олохтоох библиотека, судаарыстыбаннас түмэлэ, Тулуна орто оскуолата холбоһуктаах олус диэн сэргэх тэрээһин буолан ааста. Ол курдук бастатан туран ыалдьыттары киириигэ арыылаах алаадьынан күндүлээтилэр, сахалыы сиэринэн — буруонан ыраастааһын туома оҥоһулунна, күргүөмүнэн Сахабыт Өрөспүүбүлүкэтин, Уус-Алдан улууһун, 2-с Лөгөй нэһилиэгин өрөгөй ырыаларын ыллаатыбыт, Тулуна орто оскуолатын үөрэнээччилэрин толорууларыгар саха сирин туһунан монтаж аахтылар, 2-с Лөгөй нэһилиэгин аҕа баһылыга Петр Егорович Бурнашев бар дьонун эҕэрдэлээтэ, олохтоох судаарыстыбаннас түмэлин салайааччыта, нэһилиэкпит бочуоттаах олохтооҕо Бысыин Федот Дмитриевич сүрдээх дириҥ ис хоһоонноох доклад аахта, э5эрдэ нүөмэрдэр кэннэ Уус-Алдан улууһугар библиотека тиһигэ тэриллибитэ 100 сылынан Саха Өрөспүүбүлүкэтин күнүгэр аналлаах билиини хаңатар нэһилиэкпит түөлбэлэрин икки ардыгар квиз-оонньуу буолла. 5 түһүмэхтээх өй-мэйии тургутуутун түмүгүнэн «Кэскил» түөлбэ үһүс, «Сэмэн Баһылайап» түөлбэ иккис, «Дьулуур» түөлбэ бастакы миэстэлэри ылары ситистилэр.
Тэрээһин түмүгэр бары кэлбит көрөөччүлэри, кыттааччылары кытта өрө күүрүүлээх оһуохай түһүлгэтэ ньиргийдэ. Оһуохайы таһаардылар: эдэр, кэскиллээх оһуохайдьыт Сахалина Троева, Уус-Алдан улууһун оһуохайга күрэҕин «Хомоҕой тыллаах этээччи» анал аат хаһаайына, нэһилиэкпит дьокутаата Николай Копырин, Уус-Алдан улууһун оһуохайга күрэҕин кыайыылааҕа Ульяна Бурнашева.
Бука бары кыттааччыларбытыгар, ыалдьыттарбытыгар барҕа махталбытын тиэрдэбит! Саха буолан сандаарың — киһи буолан килбэйиң!
- Информация о материале
- Автор: tulunabibl
Муус устар 10 күнүгэр олохтоох библиотека5а улуустаа5ы “Умсул5ан” коллекционердар түмсүүлэрэ төрүттэммитэ 30 үбүлүөйдээх сылын чэрчитинэн, “Эркээйи” коллекционердар түмсүү салайааччыта, олохтоох библиотека сүбэтин чилиэнэ, өр сылларга “Мүрү саһар5ата” хаһыат общественнай корреспонденынан үлэлээбит, 2-с Лөгөй нэһилиэгин бочуоттаах олохтоо5о, СӨ культуратын туйгуна Мариса Евсеевна Васильева өр сылларга муспут коллекциятын көрө сэргии, сүбэ - соргу ыла, санаа атастаһа, сыллаа5ы былаан ылына нэһилиэкпит коллекционердарын кытары остуол тула олорон истиң көрсүһүү буолан ааста. Көрсүһүү түмүгэр нэһилиэкпит “Эркээйи” коллекционердар түмсүү саҥа салайааччытынан уһуйаан иитээччитэ Татьяна Петровна Васильева талылынна.
- Информация о материале
- Автор: tulunabibl
Муус устар 2 күнэ - Дания улуу суруйааччыта Ганс (Ханс) Христиан Андерсен ( 1805 с.) төрөөбүт күнэ. Кини аатын аан дойдуга билбэт киһи диэн суоҕа чахчы. Андерсен «Гадкий утенок», «Дюймовочка», «Стойкий оловянный солдатик», «Оле-Лукойе», «Принцесса на горошине», «Снежная королева», о.д.а. остуоруйаларыгар бары да бигэнэн улааттахпыт, умсугуйан аахтахпыт. Аан дойдуга оҕо кинигэтин күнүн улуу остуоруйаһыт төрөөбүт күнүгэр сөп түбэһиннэрэн, Оҕо кинигэтин аан дойдутааҕы Сэбиэтэ 1967 сыллаахха биллэрбит. Онтон ылата бибилэтиэкэлэр, кинигэ бэчээттээн таһаарар кыһалар, оҕо тэрилтэлэрэ тэрээһин бэртээхэйин тэрийэр үтүө үгэстэммиттэр. Ол курдук, биһиэхэ "Татыйык" оҕо уһуйаанын улахан уонна бэлэмнэнии бөлөҕүн оҕолоро ыалдьыттаатылар.Оҕолор бу күн историятын иһиттилэр, араас остуоруйаларга викторина таайдылар, пазл таннылар. Сааскы сибиэһэй салгыҥҥа хааман, библиотека дьиэтин көрөн-истэн, үөрэн-көтөн уһуйааннарыгар төнүннүлэр.
Страница 2 из 5
