Информация о материале

Автор: tulunabibl

Кулун тутар 26 күнүгэр Арассыыйаҕа "Дьиэ кэргэн",Саха сиригэр “Oҕо саас",Уус Алдан улууһугар "Аҕа" сылынан, Уус Алдан улууһугар библиотека тиһигэ тэриллибитэ 100 сылынан "Дьиэ кэргэн - олох төрдө" нэһилиэктэр икки ардыларыгар улуустааҕы култуура бэстибээлэ буолан ааста. Быыстапка түһүмэхтэрэ:
1. Элбэх оҕолоох дьиэ кэргэн быыстапката , уопсайа 3 ыал: ыал буолан олорбуттара 10 сылга диэри Сюзанна, Сергей Архиповтар, 10 - 25 сылга диэри Людмила, Валерий Троевтар уонна 25 сылтан үөһэ Людмила, Федот Бысыиннар дьиэ кэргэттэрэ кыттыыны ыллылар
2. Ааҕар дьиэ кэргэн ( элбэх о5олоох эдэр ыал Наталья, Петр Тарабукиннар)
3. Нэһилиэк төрүччүтүн сырдатыы Эллэйтэн са5алаан биллэр көстөр норуокка биллэр дьоммутун Лөгөй Тойону, И.Е.Мигалкины, А.П. Мигалкины, И.В.Мигалкины, а5а баһылыкпыт П.Е.Бурнашевы көрдөрөн 3 а5а ууһун холбоон 18 көлүөнэ көрдөрүлүннэ.
4. Аймах кэриэс малын көрдөрөр түһүмэххэ Ф.Д. Бысыин Өлтөх Говоровтарыттан тиксибит 1805 - 1810 сс. бурдук сиидэтэ, Бурцева Мария Константиновна ынах ыыр ыа5айата, Петухов Михаил Миронович, Герасимова Клавдия Николаевна патефоннара турда.
5. Оҕону сайыннарар эбии дьарыктааһын “Татыйык” уһуйаан, П.В.Аммосов аатынан Тулуна орто оскуолатын, “Сайдыы” СК кружоктара сырдатылыннылар.
Быыстапкабытыгар үлэлэспит, күүс - көмө, сүбэ- ама буолбут бар дьоммутугар улахан махтал. Чуолаан комиссия тэринэн үлэлэспит дьоммор Ушницкая С.Н., Протопопова Ю.Ю., Куприянова Р.Р., Жиркова Л.И., Неустроева Е.П, Барашкова М.К., Неустроева Е.П., Шепелева А.Г., Тарабукина Н.Ю., Гоголева Н.П., Бысыин Ф.Д., Ягловская С.М., Андреева С.И. Инникитин да5аны бу курдук бары бииргэ, тэңңэ түмсүүлээх буолуоххайың!

Информация о материале

Автор: tulunabibl

Бүгүн олохтоох библиотека5а “Ийэ тылбыт - бар5а баайбыт” тэрээһин буолан ааста. Икки тыллаах хоһоонньут, тылбаасчыт, биир дойдулаахпыт Комиссарова Валентина Иннокентьевна - Күлүмүрэ айар үлэтигэр оло5уран, Тулуна алын кылааһын выпускницата, Саха гимназия 5 “б” кылааһын үөрэнээччитэ, “Саха волонтер”, “Күн” республикатаа5ы түмсүүлэр кыттыылаа5а Акимова Валерия “Икки тыллаах хоһоонньут, тылбаасчыт Валентина Комиссарова о5олорго хоһоонноро” бырайыагын билиһиннэрдэ.
Ветеран учуутал Васильева Зинаида Иннокентьевна “Киирии тылы билии биһиги олохпутугар оруола” бэсиэдэ ыытта.
Убаастабыллаах Зинаида Иннокентьевна5а , Валерия5а олохтоох библиотека аатыттан дьоһун сүбэ5ит, кэскиллээх үлэ5э көхтөөхтүк, ситиһиилээхтик кыттаргыт иһин истиң махталбытын этэбит!

Сахалыы сайа5астык саңарар, иэйиибитин истиңник этинэр Ийэ тылбыт үйэлэргэ сүппэккэ үүнэ - сайда турдун!

Информация о материале

Автор: tulunabibl

Чолбон өй күрэһэ. Улахан оонньуу.
Бүгүн С.С.Васильев-Борогонскай аатынан киин библиотекаҕа Россияҕа ДЬИЭ КЭРГЭН, Саха Өрөспүүбүлүкэтигэр ОҔО СААС сылларыгар аналлаах"ЧОЛБОН ӨЙ КҮРЭҺЭ. УЛАХАН ООННЬУУ"улуснай күрэс буолан ааста.
Уопсайа 6 хамаанда кыттыыны ылла. Биһиги нэһилиэктэн 1 хамаанда туруоран кыттыыны ыллыбыт. Колодезникова Надежда Николаевна , Дегтярева Александра Геннадьевна уонна Тулуна орто оскуолатын 6 кылааһын үөрэнээччитэ Атласова Вика. Түмүккэ Тулуна-1, Кэптэни-2, Мүрү-3 миэстэни ылары ситистибит.
Күрэһи "Чолбон" сурунаал бас редактора Андросов Г.Г. уонна солбуйааччыта Д. Макеев бэйэлэрэ кэлэн ыыттылар.

Информация о материале

Автор: tulunabibl

Олунньу 13 күнүгэр С.С. Васильев – Борогонскай аатынан Киин библиотека5а
И.И. Попов – Уйбаан Бахсылыырап кэриэһигэр *«САХАМ САЙДАМ САҤАТА»* диэн хоһооннорун дорҕоонноохтук ааҕыы улуустааҕы күөн күрэһэ буолла.
Күөн күрэс икки бөлөҕүнэн ыытылынна:
Бастакы бөлөх - 8, 9, 10, 11 кылаас үөрэнээччилэрэ;
Иккис бөлөх - улахан дьон.
Күөн күрэс түмүгүнэн бөлөх аайы туоһу суруктар, 1 - 2 - 3 үктэллэргэ Добун суруктар, бириистэр, кыттыбыттарга туоһу суруктар туттарылыннылар. Биһиги нэһилиэктэн иккис бөлөххө Розанна Дегтярева кыттан II Үрдэл ааты ылары ситистэ. Розанна Михайловна5а үрдүк ситиһиитинэн э5эрдэ буоллун!

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ - сайда турдун!