Васильев Иван Семенович 1912 с. Уус-Алдан улууһун II Лөгөй нэһилиэгэр төрөөбүтэ.
1924-1928 сс. Танда, 1928-1931 сс. Мүрү оскуолаларыгар үөрэммитэ.
1933-1937 сс. Дүпсүҥҥэ уонна Мүрүгэ учууталлабыта.
1938 с. киномеханик, кэлин библиотекарь идэлэрин ылбыта. Сэрии сылларыгар Бүлүүгэ, Ньурбаҕа, 1951 с. ыла Үөһээ Бүлүүгэ киномеханигынан өр сыллар усталарыгар үлэлээбитэ. «Шеф-киномеханик», «ССРС Кинематографиятын туйгуна» бочуоттаах ааттары ылбыта.
И.С. Васильев бастакы хоһооно 1932 с. «Литэрэтиирэ боруонугар киирии» диэн эдэр автордар хомуурунньуктарыгар бэчээттэммитэ. Барыта 650-ча хоһоону, хас даҕаны поэманы, очеркалары суруйбута, саха фольклорун хомуйбута.
1983 с. Дьокуускай куоракка өлбүтэ.
